القصيدة الممنوعة

فكرت أكتب قصيدة

وبيها أحجي على الوضع

وصلت أول بيت بيها

تلاحكَوني أهل المنع

كَتله راح احجي واسولف

بصوت عالي وينسمع

كَال شنهوا اللي تكَوله

كَلي حتى نقتنع

كَتله أكتب ع العواطف

كَلك روحك تنزع

كَتله أكتب ع السياسة

كَلي راسك ينكَطع

كَتله اكتب ع العمادة

كلي إسمك ينقلع

كتله أكتب ع الحكومة

كَلي باهلك تنفجع

كتله أهمس باذن نفسي

كلي همسك ينسمع

حرت شنهو اللي أكتبه

وبيه يرضون الربع

تريد أسكت دوم واصبر

والصبر مني جزع

هذا يادين اللي يحرم

حلال الله وياشرع ؟؟

رحت ادعي الله ورسوله

وأهل بيته لكل جمع

كون اصيرن يوم حاكم

كلكم اعدمكم شلع